हिन्दूको महान चाड बडादसैं तथा मुस्लिमको महान पर्व इद उल फित्रका अवसरमा तमु बौद्ध सेवा समिति, कतारको संरक्षकत्वमा स्थापित तमु खेलकुद समिति दोहा, कतारको आयोजनामा खेलकुद मेला-२००८ हिजो यहाँ सम्पन्न भयो ।
इदको पहिलो दिन गत सेप्टेम्बर ३० देखि खेलकुद मेला सुरु भएको थियो । सो मेलामा सामूहिकतर्फभलिबल र डोरी तान्ने तथा एकलतर्फछेलो फाल्ने र घैँटो फुटाउने चार खेल समावेश गरिएको थियो ।
तमू खेलकुद समिति, कतारका अध्यक्ष बुद्ध गुरुङको अध्यक्षतामा भएको सो कार्यक्रममा अतिथि यहाँस्थित नेपाली राजदूत डा.र्सूयनाथ मिश्र, नेपाल प्रवासी आदिवासी जनजाति महासङ्घ, कतारका अध्यक्ष अमृत गुरुङ र गैरआवासीय नेपाली सङ्घ अन्तराष्ट्रिय समन्वय समितिका सचिव सागर नेपाल हुनुहुन्थ्यो ।
खेलकुद मेलाका विजेता टिम तथा प्रतियोगीलाई नेपाली राजदूतावासका प्रथम सचिव रामकाजी खड्का, गैरआवासीय नेपाली सङ्घ अन्तरराष्ट्रिय समन्वय समतिका सचिव नेपाललगायतका व्यक्तिद्वारा पुरस्कार तथा प्रमाणपत्र वितरण गरिएको थियो ।
